Abstauben 2021

Liabe narra herad her,
Wa i jetzt sag des fällt mir schwer
Schbrenga däda mir heit vo Narr zu Narr,
Eire maska astauba isch jo klar
Doch des johr fällt des leider aus,
Ond dia narra miasad bleiba em haus.
Des duad so wai wia an Stich ens Herz,
Für an Narr kaum zu verkrafta dieser schmerz.
Doch oas des soll heit gar id sei,
An dag ganz ohne narradei.
Drom hollad ruhig dia maska raus,
Ond schaldad aumol dia nochrichta aus.
Machad liaber a fläschle uf,
Ond hogad uf eier sofa nuf.
Des johr isch gschwätzt ma ka nens macha,
Dia narra bleibad Stumm ma hert se id lacha.
Doch näsch johr do gods rond,
Ond dia fenäsle send wieder richtig bond.
Au eisre harzklomba hoan a fraid,
Gardemädle kommad em scheeschda Kleid.
Musik spielt so laut wia se kennad,
Da Hatsch fährt da Bus em narrahemad.
Horga hexa sprengad wia wild,
Da Zunftmeister ganz vorna mit am schild.
Des wud so schee glaubads mir,
On do druf drenk i heit a Bier.
Fraiad eich druf de näschd fasnet kommt,
Bleibad bis seld na au alle Gsond.